Intershipi 1 Javor ne Fussen,Bayern,Gjermani

INTERSHIP 1-javor në Fussen,Bayern,Gjermani.

Të nderuar kolegë, mbas një intershipi të njëjtë në të cilin kemi marrë një feedback shumë pozitiv,mbas shumë përpjekjeve dhe mundi,kemi arritur edhe njëherë ta sigurojmë këtë mundësi për të gjithë kolegët e interesuar.

Sa kohë zgjat Intershipi?

Intershipi zgjat 7 ditë ( 1 javë), nga të cilat 5 ditë janë trajnim në klinikat e kryqit të kuq dhe dy ditë pushim të cilat shfrytëzohen për shëtitje dhe për të njohur zonën.

Cfarë përmban Intershipi?

Intershipi është një ndërthurje ndërmjet teorisë dhe praktikës,cka do të thotë një përgatitje mjaft cilësore dhe njohje nga afër e sistemit shëndetësor Gjerman.

Disa nga temat që do trajtohen: 1-Legjislacioni Gjerman dhe përgjegjësitë e stafit Infermier, 2- Kujdesi paliativ, 3- Parandalimi dhe mjekimi i plagëve dhe kryesisht dekubitueseve sipas standarteve Gjermane, 4- Rregullat e levizjeve kinestetike të pacientit në shtrat etj.

Të gjitha temat do demostrohen edhe me ndërthurjen nga ana praktike me mbikqyrje nga stafi I klinikës.

Akomodimi?

Sa i përket akomodimit,në bazë të një marrëveshje ndërmjet KSHI dhe Kryqit të Kuq, pjesmarrësit do të akomodohen në ambjentet e klinikës në dhoma 2-she ose teke me kushte mjaft të mira.

Ushqimi?

Ushqimi do sigurohet për të 3-ja vaktet po nga klinika ku do akomodohemi.

Stafi do bëjë përpjëkjet maksimale që menuja ti përshtatet edhe ushqimeve të traditës Shqiptare.

A do ketë në përfundim Certifikata?

Po, ashtu sikurse edhe në intershipin e pare, në përfundim të Intershipit secili pjesmarrës do të marrë certifikatën e vulosur dhe firmosur nga drejtuesi I klinikës dhe nga drejtuesi i KSHI.

Në cfarë gjuhë do të bëhet Intershipi?

Intershipi do bëhet në gjuhën Gjermane dhe niveli i kërkuar minimal i gjuhës është niveli B1 (I mbrojtur), dhe këta aplikantë kanë më shumë prioritet që të zgjidhen.

Si do bëhet përzgjedhja?

Përzgjedhja e pjesmarrësve në intership do të bëhet duke patur parasysh plotësimin e kritereve.Një nga kriteret kryesore është gjuha. Pjesmarrësit do përzgjidhen nga përfaqësues të Kryqit të Kuq dhe KSHI.Mbasi të mbyllen aplikimet personat që do përzgjidhen do tju komunikohet në Whatsapp.

Grup targeti?

Këtë Intership mund ta shfrytëzojnë si një super mundësi të gjithë kolegët që kanë në plan të ushtrojnë profesionin në Gjermani dhe duan të njohin paraprakisht sistemin gjerman dhe mënyrën si funksionon.Gjithashtu edhe Infermierët të cilët duan të përfitojnë një eksperiencë dhe specializim trajnimi për ta implementuar në Shqipëri apo tek vendi i tyre i punës.

Gjithashtu cdo student në prag licencimi dhe që dëshiron të preki nga afër mënyrën e punës së Infermierit në Gjermani

Sa ështrë tarifa e pjesmarrjes?

Në intership janë të përfshira:

1-Intershipi 1/javor, te gjitha trajnimet e ndryshme Brenda intershipit.

2- Fjetja e garantuar ( 7 netë).

3- Ushqimi 3 vaktet/7 ditë.

4-Certifikata e Intershipit.

5-Guida për të njohur zonën dhe klinikat, nga stafi I KSHI dhe personeli i Kryqit të Kuq.

6- Foto profesionale.

7-Eksperiencë e paharrueshme 😉.

Të gjitha këto të përfshira në një tarifë aplikimi vetëm 250 Euro.

Kujdes! Bileta e Avionit vajtje-kthim nuk përfshihet në cmim,prihet individualisht nga secili.